Hitza: “Aialak Zarautz Kirol Elkartea babestuko du beste urte batez”

Zarautzko Hitzan argitaratua. Irakurri berri originala >>

Aialak Zarautz Kirol Elkartea babestuko du beste urte batez

Ezkerretik eskuinera, Anne Artola, Haizea Goikoetxea, Inma Saenz de Santamaria, Karlos Argiñano, Esteban Collantes, Martin Argiñano, Anton Larrañaga eta Julen Lizaso. (Dorleta Agiriano Lai) |  Ikusi handiago |  Argazki originala

Zarauzko Hitza 2018-11-21 09:00   KIROLA

Zarautz Kirol Elkarteak hitzarmena sinatu du Karlos Argiñano Aiala Ostalaritza Eskolaren sortzailearekin, beste urte batez. Zarauzko emakumezkoen eskubaloi taldeak eta errugbi taldeak diruz babestuko ditu aurten ere, 24. urtez.

Gaur Zarautz Kirol Elkartearentzat “egun garrantzitsua” dela adierazi du Esteban Collantes kirol elkarteko lehendakariak. Beste urte batez, klubak hitzarmena sinatu du Karlos Argiñanorekin, Aiala Ostalaritza Eskola Zarautz Kirol Elkartearen babesle ofizialetako bat izan dadin, 24. urtez jarraian. Denboraldi honetan, emakumezkoen eskubaloi taldeak eta errugbi taldeak lagunduko ditu diruz Argiñanok.

Inma Saenz de Santamaria eskubaloi saileko zuzendaritzako kidearen esanetan, “urte asko izan dira elkarlanean, laguntza handia jaso dugu, eta hau beharrezkoa da jolasten jarraitu ahal izateko. Gu asko hazi gara azken urteotan, emakumezkoen eskubaloian zein gizonezkoenean, eta jasotako babesak eta laguntzak ere gora egin dute”. Anton Larrañaga errugbiko zuzendaritzako kideak azaldu du Argiñano beti izan dela Zarauzko errugbiaren babesle ofizialetako bat, eta “beharrezko sustengua” izan dela klubarentzat; “babes honi esker, 300 haur baino gehiago biltzen dituen errugbi eskola bat dugu Zarautzen, eta baita kategoria bakoitzeko talde bat ere”.

Collantesek gogorarazi du duela 24 urte Zarautzen nekez ateratzen zutela errugbi talderen bat; “gaur egun, aldiz, eskailera osoa osatzen dute: infantilak, kadeteak, jubenilak eta seniorrak”. Zarautz Kirol Elkartearen sail honek bizitako garapenean “eragin zuzena” izan du Karlos Argiñanoren babesak, Urdangarinen arabera. Emakumezkoen eskubaloiari buruzko irakurketa antzekoa egin du. Emakumezko gehien dituen saila dela azaldu du, eta emakumezko lizentziatu gehiago daudela gizonezkoak baino: “Ez-ohiko egoera bat da gizonezkoak baino emakumezko lizentziadun gehiago izatea”.

Collantesen arabera, “harrotasun handiz eramaten dugu Aialaren izena, joaten garen leku guztietan”. 24 urte hauetan, Karlos Argiñanok Zarautz Kirol Elkarteko bost sail babestu izan ditu: halterofilia, pilota, atletismoa, errugbia eta emakumezkoen eskubaloia. “Honek bizitza ematen digu”, Urdangarinen esanetan.

Bere aldetik, Argiñanok eskerrak eman dizkie elkarteko kideei eta herriko kirolariei: “Zuek agian ez duzue kirola diruz lagunduko, baina urtez urte jo eta ke aritzen zarete lanean, eta hori ez dago diruz ordaintzerik”. Azaldu du berarentzat “ohore bat eta plazer bat” dela “herriko neska-mutilen taldeak laguntzea” eta “herrian ekarpena” egitea.

Advertisements

Utzi mezu bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google+ photo

You are commenting using your Google+ account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s