Hitzan argitaratua. Ikusi berria >>

Mikel Amilibia eta Eneko Goenagaren taldeak hirugarren garaipena lortu zuen atzo Georgian, Serbiako taldearen kontra. Gaur Mexiko izango dute aurkari, 14:00etatik aurrera.

Lorpenak gehitzen

Hirugarren jardunaldia eta hirugarren garaipena. Atzo Serbiari gailendu zitzaion Amenabarreko Eneko Goenaga zarauztarraren eta Mikel Amilibia oriotarraren taldea, Espainiakoa, Georgian jokatzen ari diren jubenil mailako munduko txapelketan. 29-28 egin zuten, eta horietatik bina gol sartu zituzten Amilibiak eta Goenagak.

Gaur izango dute hurrengo partida, Mexikoko selekzioaren kontra. 14:00etan hasiko da partida, eta zuzenean ikusteko aukera izango da esteka honetan.