Hitzan argiratuta. Ikusi berri originala>>

Asteburu honetan Aritzbatalde kiroldegian neurtuko dituzte indarrak, eta hurrengo asteburuan, maiatzaren 6-7an, aurkariaren etxean.

Castellon izango du aurkari Aialak, igoera fasera sailkatzeko kanporaketan

Aiala Zarautz eta Garlan taldeen arteko partida (Luis Epelde). | Ikusi handiago | Argazki originala

Zortzi talde iritsi dira Ohorezko Mailara igotzeko fasera sailkatzeko kanporaketara; Ohorezko Zilar Mailako lau multzotako lehen bi taldeak, hain zuzen ere. Aiala Zarautzek B multzoko bigarren postuan amaitu du liga, Sporting La Riojaren atzetik, eta C multzoko lehena izan den BM Castellon egokitu zaio kanporaketan; Valentziako taldeak 24 partida irabazi ditu, bat berdindu eta bakarra galdu.

Gaur eguerdian, 13:00etan, egin dute kanporaketen zozketa Espainiako Eskubaloi Federazioaren egoitzan. Beste lau norgehiagokak, berriz, ondorengoak izango dira: Ansa Oviedo – Lanzarote Puerto del Carmen; Sporting La Rioja – ANTS:BFIT-Muchoticket; eta Adesal Córdoba – Balonmano Gijón. Kanporaketak bi partidetara jokatuko dira: joanekoa bigarren sailkatuen etxean, asteburu honetan, eta itzulikoa lehen sailkatuen etxean, maiatzaren 6-7ko asteburuan.

Kanporaketa gainditzen duten lau taldeek igoera fasea jokatuko dute, eta horren egutegia maiatzaren 8an zehaztuko dute.