ZORIONAK mutilak aurtengo denboraldiagatik eta ESKERRIK ASKO beste guztiei urte guztian bertara hurbiltzeagatik!
Gutako batzuk haur ginen
Eta beste batzuk gazte
Eskubaloi partiduak
Munoan asterik aste
Oroitzapenak barruan
Pilatuaz dijoazte…
Harlegarrezko lurra zan
Ez distira ta ez lustre
Lurrera saltatzen ziren
Beldurrikan gabe aske…
Baloi bat harrapatzera
Edo penaltien eske
Arrasta haiek arrasto
Handiak utzi dituzte.
_____________
Ez izan arren hiri bat
Dituna hainbat biztanle
Eskubaloiak ordutik
Zarautzen hainbat maitale
Afizioak sekula
Ez digu egingo kale
Horko oihu, hango orru
Pasivo! Eutsi! ta ale!
Jokalariak itota,
Zaleak arnas-emale
Beti bat sentitu gara
Bada zerbaiten seinale,
Zale eta jokalari,
Jokalari eta zale.
_____________
Aurtengo taldean berriz
Zenbat eskubaloi mago
Talde hau iritsi zaigu
Logikatikan harago.
Play-offeraino sartzea
Oso gutxin esku dago
Zorionak bihotzetik
Jokatu baino lehenago.
Eta igoko bagina?
Orduantxe bai akabo!
Igotzea subidoi bat
litzakela ziur nago
Ta ez igotzea berriz,
Ez da bajoi bat izango.
Andoni Egaña
ZKE eskubaloia 
Igotzea subidoi bat- en azpian lerro bat falta da 😛
(litzakela zihur nago)
Bestela notizi earra ta eskerrikasko!!!
Milesker Erik, despiste bat 😉
ziur, barkatu